|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
2025 жылдың басынан бастап Қазақстанда әлеуметтік төлемдердің көлемі артады, - деп хабарлайды Dauletten.kz.
Премьер-министрдің орынбасары – Ұлттық экономика министрі Нұрлан Байбазаровтың айтуынша балалы отбасыларға арналған барлық жәрдемақы 6,5% индекстеледі.
Оған қоса, 2025 жылы ынтымақты зейнетақы 8,5%, ал әлеуметтік жәрдемақылар мен базалық зейнетақы 6,5% ұлғаяды. Базалық зейнетақы мөлшері кезең-кезеңімен өседі.
2025 жылға арналған республикалық бюджеттің жобасында 42 түрлі әлеуметтік төлемдер үшін 6 триллион теңгеден астам қаржы қарастырылған, бұл өткен жылмен салыстырғанда 12,5% көп. Сонымен қатар республикалық бюджеттен және Мемлекеттік әлеуметтік сақтандыру қорынан 2 миллионға жуық қазақстандық отбасы жәрдемақы мен әлеуметтік төлемдер алатын болады.
Балалы отбасыларға арналған жәрдемақыларды төлеуге 2025 жылға арналған республикалық бюджетте 875,1 млрд теңге қарастырылған. Аз қамтылған азаматтарды әлеуметтік қолдау атаулы әлеуметтік көмек көрсету арқылы жалғасады. АӘК көрсетудің жаңа тәсілдерін азаматтардың шығыстарын ескере отырып қайта қарау шеңберінде бұл көмек Цифрлық отбасы картасы және мемлекеттік әрі мемлекеттік емес ұйымдардың жүйелерімен интеграциялау арқылы трансформацияланады,- деді Н.Байбазаров.
Сонымен қатар ғылыми ұйымдар қызметкерлерінің жалақысы 2025 жылдан бастап 17% өседі.
