|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Бүгін Қазақстанның көптеген аймақтарында дауылды ескерту жарияланды, - деп хабарлайды Dauletten.kz.
Алматыда күндіз ауа температурасы 1 градусқа дейін көтеріледі, түнде -12 градусқа дейін төмендейді. Желдің жылдамдығы 1,9 м/с.
Астанада қар жауып, күндіз ауа температурасы -1 градусқа дейін жетіп, түнде -10 градусқа дейін төмендейді. Желдің жылдамдығы 11,4 м/с болады.
Шымкентте термометр бағаны 4 градусқа дейін көтеріледі, түнде -5 градусқа дейін төмендейді.
Атырау облысының оңтүстігі мен солтүстігі, шығысында, сондай-ақ Қызылорда облысының батысы мен солтүстігінде тұман түседі.
Батыс Қазақстан облысының солтүстігі мен шығысында тұман мен көктайғақ күтілуде. Түнде оңтүстік-батыстан соғатын желдің екпіні 15-20 м/с жетеді.
Қарағанды облысының оңтүстігі мен батысында түнде аздаған жауын-шашын, ал күндіз облыстың солтүстігінде жаңбыр мен қар жауады.
Ұлытау облысының батысы, солтүстігі мен шығысында түнде бұрқасын мен көктайғақ болады, күндіз осы аймақтарда қар жауып, көктайғақ күтілуде.
Шығыс Қазақстан облысында түнде және таңертең қарлы боран соғады.
Ақтөбе облысының солтүстігі мен шығысында түнде бұрқасын мен көктайғақ болады.
Ақмола облысында жауын-шашын (жаңбыр, қар), бұрқасын, көктайғақ және тұман күтілуде. Оңтүстік-батыстан соғатын желдің жылдамдығы 15-20 м/с, екпіні 23 м/с жетуі мүмкін.
