Жаңалықтар

«Ауыл» партиясынан 8 мандат Мәжіліске енді

28.03.2023

2 мин

0

716

«Ауыл» халықтық-демократиялық патриоттық партиясынан Мәжіліс депутаттары тізімі белгілі болды, деп хабарлайды Dauletten.kz.

Партия баспасөз қызметінің мәліметінше, 2023 жылғы 27 наурызда «Ауыл» халықтық-демократиялық патриоттық партиясы Саяси кеңесінің Президиум отырысы өткен. Жиында ҚР Парламент Мәжілісі депутаттарының сайлауы нәтижесі бойынша анықталған 8 депутаттық мандат иелері бекітілген.

Мәжіліске енген депуттардың тізімі төмендегідей:

Дайрабаев Жигули Молдақалықұлы – партия мүшесі, «Ауыл» ХДПП төраға орынбасары, Қазақстан фермерлері қауымдастығының басқарма төрағасы;

Егізбаев Серік Рахметоллаұлы – партия мүшесі, ауыл шаруашылығы, ақпарат және қоғамдық даму экс вице-министрі;

Абден Қарақат Жақсылыққызы – партия мүшесі, «Қазақ қызы» ҚБ президенті (әйелдер квотасына сәйкес);

Баққожаев Анас Ахатұлы – партия мүшесі, «Ауыл» ХДПП төраға орынбасары;

Саурықов Ерболат Байұзақұлы – партия мүшесі, «Ауыл» ХДПП Жамбыл облысындағы өңірлік филиалының төрағасы, Ш.Мұртаза ат. Тараз халықаралық инновация институтының президенті;

Арсютин Николай Геннадьевич – партия мүшесі, «Ауыл» ХДПП төрағасының орынбасары;

Зейнуллин Аян Талғатұлы – партия мүшесі, «СПК Астана» ӨК өндіріс бойынша директоры (жастар квотасына сәйкес);

Серіков Таңсауле Ғабдыманапұлы – партия мүшесі, С.Сейфуллин ат. ҚазАТУ оқытушысы (инклюзивті қоғам мүшелерінің квотасына сәйкес).

Еске салсақ, Орталық сайлау комиссиясының қорытындысымен «Ауыл» партиясынан Мәжіліске 8 мандат берілген болатын.

Фото: tengrinews.kz