|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Несиенің ай сайын төленетін процент мөлшерін азайтудың бірнеше жолы бар. Олар – несиені қайта қаржыландыру және қайта құрылымдау, несие алу барысында неғұрлым тиімді ұсынысты таңдау, несие брокерімен жұмыс істеу, сондай-ақ несиемен бірге ұсынылатын қосымша ақылы қызметтерден бас тарту. Бұл туралы экономист Диана Степанова "Прайм" агенттігіне берген сұхбатында айтты.
«Несиені қайта қаржыландыру және қайта құрылымдау қарызды аз төлеуге мүмкіндік береді. Қайта қаржыландыру арқылы қарыз жүктемесін жеңілдетуге болады. Яғни бірнеше несиені біріктіру арқылы оның өтеу мерзімін ұзару нәтижесінде қарыз алушының жүктемесі азаяды», - деді ол.
Қарыз алушы атына рәсімделген бірнеше несие оның несиелеу құнына әсер етеді. Қайта қаржыландыру есебінен жаңа несие ескі қарыздарды жабады және жағымды несие тарихын қалыптастырады.
Маманның айтуынша, несиені қайта құрылымдау қарызды төлеу кезінде қиындықтарға тап болған банк клиенттерінің қаржылық жағдайын жақсартуға бағытталған. Десек те, бұл бағдарлама көбінесе қарыз алушының несие тарихына кері әсерін тигізуі мүмкін. Сондай-ақ, әр азамат несие рәсімдер алдында отбасындағы бала санын, жалақы мөлшерін, және жұмыс берушінің немесе кәсіптің өзгеруін ескеру керек.
«Несиені қайта қаржыландыру және қайта құрылымдау мүмкіндігі қарыз алушыға пайда әкеледі. Ай сайынғы төлем мөлшерлемесі азайып, кестені жағдайға байланысты ыңғайлауға болады. Ал тұтынушылық несиелердің шарттарын өзгерту барысында арнайы ашылған несие карталарының жоғары проценті бойынша артық төлемді азайтуға мүмкіндік бар», - деді маман.
Сондай-ақ, Степанованың айтуынша, несие нарығында кез келген азамат үшін ең тиімді ұсынысты таңдау маңызды. Банк шарттарын бір-бірімен салыстыру арқылы қарыз алушы қолайлы бағдарламаны таңдап, ақша үнемдей алады.
Көбінесе несиелік ұйымдар қарыз беру барысында түрлі жеңілдіктер мен алғышарттарды ұсыну арқылы қосымша ақылы қызметтерді жүктейді.
«Несие тарихыңызды нашарлатпай, шарттарын қайта қарастырып қосымша қызметтерден бас тартуға болады. Заң бойынша, несие ұйымдары бір тауарды сатып алған кезде басқа өнімді ұсынуға міндетті емес. Сондықтан, сіз банк қызметкері айтқан немесе жарнамада көрсетілген шарттарға бірден келісім беруіңізге болмайды. Банк шарттарын зерттеп, жасырын комиссия мен жағымсыз жағдайлардан бас тарту керек, - деді Диана Степанова.
Егер несиені төлеу мүмкіндігі мүлде болмаған жағдайда заңға сәйкес, белгіленген жеңілдіктерді зерттей отырып, несиелік демалыс алуға болады. Қиын жағдайға тап болған қарыз алушылар қолданыстағы несиедегі берешекті өтеу тәртібін өзгерте алады. Десе де, бұл мүмкіндік борышты кешіру емес, төлемді уақытша кейінге шегеру екенін ескерген жөн.
Тағы көру
