Спорт

Қазақстан ұлттық құрамасы ФИФА рейтингінде тағы төмендеді

03.04.2025

1 мин

0

34

Сурет: Алексей Сисенбин

Қазақстан ерлер құрамасы Халықаралық футбол федерациясының (ФИФА) жаңартылған рейтингінде тағы үш сатыға сырғып, 113-орынға түсті. Бұл өзгерістер наурыз айындағы халықаралық матчтардың қорытындысы бойынша енгізілген, - деп хабарлайды Dauletten.kz ФИФА-ның ресми сайтына сілтеме жасап.

Өткен айда Қазақстан құрамасы 2026 жылғы әлем чемпионатының іріктеу кезеңінде екі маңызды матч өткізді. Сырт алаңда Уэльске жол беріп, Лихтенштейнді жеңгенімен, рейтингте төмендеуден құтыла алмады. Қазіргі таңда Қазақстан құрамасы ФИФА тізімінде Ливан мен Суданның арасында орналасқан.

Рейтингтің көшін дәстүрлі түрде Аргентина бастап тұр. Бұл жолы Испания Францияны үшінші орынға ығыстырып, екінші сатыға көтерілді. Ал Нидерланды Португалиядан озып, алтыншы орынға жайғасты.

2025 жылғы 3 сәуірдегі жаңартылған ФИФА рейтингі:
    1.    Аргентина – 1886,16 ұпай
    2.    Испания – 1854,64
    3.    Франция – 1852,71
    4.    Англия – 1819,20
    5.    Бразилия – 1776,03
    6.    Нидерланды – 1752,44
    7.    Португалия – 1750,08
    8.    Бельгия – 1735,75
    9.    Италия – 1718,31
    10.    Германия – 1716,98
113. Қазақстан – 1177,66

Айта кетейік, 2024 жылғы 28 қарашада жарияланған ФИФА рейтингінде Қазақстан 110-орында болған еді.