Жаңалықтар

Түркістанда жаңа туған сәбиін әжетханаға тастаған бойжеткен сотталды

14.08.2026

мин

0

154

Сурет: ашық дерек көзінен

Түркістанда жаңа туған сәбиін әжетханаға тастаған бойжеткен сотталды, - деп хабарлайды Dauletten.kz.

Сот мәліметіне сәйкес, бойжеткен таныс емес ер адаммен ерікті түрде жыныстық қатынасқа түскеннен кейін жүкті болған. Алайда жүктілігін жақындарынан жасырып, медициналық мекемеде есепке тұрмаған.

Толғағы басталған кезде ол Сайрам ауданындағы үйінде болған. Сол жерде тоғыз айлық жүктіліктен кейін баласын әжетханада босанған.

Сот материалдарында көрсетілгендей, босанғаннан кейін бойжеткен тірі нәрестені әжетхана шұңқырына тастаған. Сәбидің үстін ауладағы қорада тұрған күрекпен тас пен топырақ аралас құмды алып жауып, оның тірі қалуына ешқандай әрекет жасамаған. Сот құжатында бұл әрекет жаңа туған баланың өліміне әкелгені айтылған.

Сот отырысында айыпталушы өз кінәсін толық мойындады.

Сот үкімімен бойжеткенге бас бостандығын шектеу түріндегі жаза тағайындалып, оның мерзімі 2 жыл болды.