|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Төтенше жағдайлар министрлігінің өкілдері балалардың терезеден құлау оқиғаларына байланысты алаңдаушылық білдіріп отыр. Жыл басынан бері осындай 60 жағдай тіркелген, - деп хабарлайды Dauletten.kz.
Министрліктің баспасөз қызметі атап өткендей, жылы мезгіл мен жазғы демалыс кезеңінде мұндай оқиғалар жиілеп кетеді.
- 2025 жылдың басынан бастап министрліктің Стратегиялық жоспарлау және жедел басқару орталығына терезеден құлаған балаларға қатысты 60 дерек тіркелді. Өкінішке қарай, бес бала оқиға орнында көз жұмды, ал 55-і түрлі жарақатпен ауруханаларға жеткізілді, – деп мәлімдеді ТЖМ өкілдері.
2024 жылы осындай 196 жағдай тіркелгені айтылды.
Құтқарушылардың айтуынша, көбіне 2-ден 13 жасқа дейінгі, ересектердің қарауынсыз қалған балалар қауіпке тап болады. Оқиғалардың көпшілігі балалардың москит торына сүйенуі салдарынан болады, алайда бұл торлар салмақты көтере алмайды.
Министрлік басшысының тапсырмасына сәйкес еліміздің барлық өңірінде профилактикалық шаралар күшейтілді. Құтқарушылар ата-аналармен кездесулер өткізіп, балалар мекемелерінде рейдтер мен түсіндіру жұмыстарын жүргізіп жатыр.
Сонымен қатар азаматтарды ақпараттандыру мақсатында бұқаралық ақпарат құралдары мен түрлі ресурстар кеңінен тартылуда.
Төтенше жағдайлар министрлігі ата-аналар мен балалардың заңды өкілдерін қауіпсіздік талаптарын мүлтіксіз орындауға шақырады:
- Кез келген қайғылы жағдайдың алдын алуға болады. Балалардың өмірі мен денсаулығы үшін жауапкершілік – ересектердің мойнында. Балаларыңызға жанашыр болыңыздар. Әрбір баланың өмірі – біз үшін қымбат, – делінген министрлік таратқан мәлімдемеде.
