Жаңалықтар

Зейнетақы қорындағы ақшаны кімдер ала алады?

24.12.2020

1 мин

89

14213

Парламент зейнетақы қорындағы жинақтың бір бөлігін пайдалану туралы заңды қабылдады. Осы ретте, Еңбек және халықты әлеуметтік қорғау министрлігі зейнетақы жинағындағы қаржыны кімдер ерте ала алатынын айтты, деп хабарлайды Tengrinews.kz.

Заңға сәйкес азаматтар зейнетақы жинағындағы ақшаның бір бөлігін баспана алуға және емделуге жұмсай алады.

2021 жылдан бастап зейнетақы жинағындағы қаражатты мына азаматтар ала алады:

• Жинақтағы сома «жеткіліктілік шегінен» асып тұрған, жұмыс істейтін адамдар;

• БЖЗҚ-да қалған зейнетақы жинақтарының сомасы шегінде сақтандыру компанияларымен оларға өмір бойы аннуитеттік төлемдерді қамтамасыз ететін зейнетақы аннуитеті шарттарын жасасқан тұлғалар;
• БЖЗҚ-дағы зейнетақы жинақтарының қалған сомасының 50 процентінен аспайтын шекте жұмыс істеген зейнеткерлер. Олардың зейнетақысының жиынтық мөлшері (жасы немесе жұмыс істеген жылдары бойынша зейнетақыны, базалық зейнетақыны қоса алғанда) жоғалтылған табысты халықаралық стандарттарға сәйкес келетін деңгейде (кемінде 40 процент) алмастыруды қамтамасыз еткен жағдайда.

Азаматтардың жеткіліктілік шегі жас мөлшеріне сай жеке белгіленген. Сондай-ақ әйелдер мен ерлерге талап бірдей. Заң жобасы мемлекет басшысына жіберілді.

Еске сала кетейік, 1 қыркүйекте президент Қасым-Жомарт Тоқаев келер жылдан бастап ел азаматтары зейнетақы қорындағы жинақтың бір бөлігін пайдалануға беруді іске асыруды тапсырған еді.