Жаңалықтар

Алакөлге туристер үшін үлкен ұшақ қашан қатынайды?

29.06.2021

1 мин

0

499

Алакөлге дейін Embraer типті үлкен ұшақтар ұшатын болады.Бұл туралы Шығыс Қазақстан облысының әкімі Даниал Ахметов айтты. Ұшып-қону жолағы қайта жаңартылғаннан кейін Үржар әуежайы орта қашықтықтағы ұшақтарды, соның ішінде, жақын шетелдерден келетін ұшақтарды қабылдай алады.

«Қазір Алакөлде су түбін тазарту жұмыстары жүргізіліп, құтқарушылар мен полиция кезекшілік етіп жатыр. Осы маусымда 163 қонақүй мен демалыс орны елге қызмет көрсетеді. Олардың 94-і ASHYQ жүйесін іске қосқан. 900 қызметкердің 80% коронавирусқа қарсы екпе салдырды», – деді Даниал Ахметов.

Әкімнің айтуынша, 17 маусымнан бастап Алакөлге дейін Алматы, Нұр-Сұлтан, Семей және Өскемен қалаларынан қосымша пойыздар қатынайды. Вагондар саны 61-ге дейін көбейеді.

Әуежайдағы қайта жөндеу жұмыстары аяқталған соң ұшып-қону жолағының ұзындығы екі шақырымнан асады. Кейіннен Үржар әуежайына Embraer типті үлкен ұшақтар да қатынайды.