Жаңалықтар

Қандай 13 елдімекен қала мәртебесінен айырылуы мүмкін?

05.12.2020

1 мин

7

6517

Сенат отырысы барысында «Қазақстанның әкімшілік-аумақтық құрылысы туралы» заңға бірқатар түзетулер енгізілді. Нәтижесінде, 13 қаланы тұрғын санының аздығына байланысты мәртебесін өзгерту мәселесі талқыланды.

Сенатор Нұрлан Бекназаровтың айтуынша, Қазақстандағы 48 қаланың 10-нан астамы бұл талапқа сәйкес келмейді.

Стратегиялық жоспарлау және реформалар агенттігі ұлттық статистика бюросының мәліметтері бойынша, Қазақстанда тұрғын саны 10 мыңға жетпейтін 13 аудандық маңызы бар қала тіркелген:

1. Степняк (Ақмола облысы, Біржан сал ауданының әкімшілік орталығы) - 3457 адам;

2. Ерейментау (Ақмола облысы, Ерейментау ауданының әкімшілік орталығы) - 8 819 адам;

3. Державинск (Ақмола облысы, Жарқайың ауданының орталығы) - 5811 адам;

4. Темір (Ақтөбе облысы, Темір ауданы) - 2135 адам;

5. Жем (Ақтөбе облысы, Мұғалжар ауданы) - шамамен 2 мың адам;

6. Шар (Шығыс Қазақстан облысы, Жарма ауданы) - шамамен 6 500 адам;

7. Серебрянск (Шығыс Қазақстан облысы, Алтай ауданы) - шамамен 8 500 адам;

8. Қарқаралы (Қарағанды ​​облысы, Қарқаралы ауданының әкімшілік орталығы) - 8 мыңнан аса адам;

9. Қазалы (Қызылорда облысы, Қазалы ауданы) - 5 мыңнан аса адам;

10. Форт-Шевченко (Маңғыстау облысы, Түпқараған ауданының әкімшілік орталығы) - 6771 адам;

11. Сергеевка (Солтүстік Қазақстан облысы, Шал ақын ауданының әкімшілік орталығы) - 7610 адам;

12. Булаево (Солтүстік Қазақстан облысы, Мағжан Жұмабаев ауданының әкімшілік орталығы) - 7681 адам;

13. Мамлют (Солтүстік Қазақстан облысы, Мамлют ауданының әкімшілік орталығы) - 6769 адам.