Жаңалықтар

Қазақстанда шекара маңындағы аудандарды дамыту жоспарлануда

02.06.2023

3 мин

0

957

Ұлттық экономика министрлігі еліміздегі ауылдық аймақтарын дамытудың 2023 – 2027 жылдарға арналған тұжырымдамасына өзгерістер мен толықтырулар енгізілетін Үкімет қаулысының жобасын дайындады, деп хабарлайды Dauletten.kz.

Тұжырымдамадаға «шекара маңы аумақтарын дамыту» атты жаңа бөлім қосылды.

Құжаттағы мәліметке сүйенсек, қазіргі уақытта 14 облыс Ресей, Қытай, Өзбекстан, Қырғызстан және Түрікменстан аумақтарымен шектеседі. Шекара маңындағы аумақтарда халық саны 3,4 млн адам болатын 65 аудан орналасқан.

Тікелей шекара маңындағы белдеуде мемлекеттік шекарадан 50 км дейінгі қашықтықта 1,7 млн адам тұратын 1283 шекара маңындағы ауылдық елді мекендер орналасқан.

Шекара маңы аумақтарын дамытудың негізгі қағидаттары:

• мемлекеттің аумақтық тұтастығын қамтамасыз ету;
• шекара маңындағы аумақтардың бәсекелестік артықшылықтарын ескере отырып, олардың әлеуетін арттыру;
• шекара маңындағы аумақтардың халқы үшін мемлекеттік қызметтер мен әлеуметтік игіліктерге тең қолжетімділікті қамтамасыз ету;
• мемлекет үшін стратегиялық маңызы бар шекара маңындағы аумақтар мен елді мекендерді дамыту.

фото: abai.kz