Соңғы айларда, жаңбырлы маусым басталғалы бері, Нигерияда су тасқыны салдарынан 500-ге жуық адам қаза тапты, 1,5 миллион азамат үйін тастап кетті.
45 мыңнан астам тұрғын үй қирады, 70 мың гектардан астам ауыл шаруашылығы алқаптары жоғалып кетті.
Бүкіл ел бойынша жолдар мен инфрақұрылымның зақымдануына байланысты жанармай жетіспейді, Абуджадағы жанармай құю бекеттерінде ұзынсонар кезек пайда болды. Төтенше су тасқынының салдары барлық аймақтарды қамтыды, халыққа азық-түлік дағдарысы қаупі төніп тұр.
Ауа райы болжамы бойынша, қалың жауын қараша айының соңына дейін тоқтамайды.
Бұған дейін Австралиядағы су тасқыны туралы хабарланған болатын. Елдің оңтүстік-шығысындағы Виктория штатының Мельбурн қаласының маңында жүздеген үйді су басты.
