|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ғылым және жоғары білім министрі Саясат Нұрбек Алматы қаласындағы кафелердің бірінде болған оқиғаға түсініктеме берді. Бұл жерде қала университеттерінің бірінде оқитын шетелдік студенттер арасында топтық төбелес орын алған, - деп хабарлайды Dauletten.kz.
Төбелестің видеосы желіде тарады. Кадрлардан бірнеше жас жігіттің бір-бірін ұрып-соғып жатқаны, орындықтар, дубинкалар және тіпті үстелдердің де қолданылғаны көрінеді. Үкімет кулуарында журналистер Ғылым және жоғары білім министрі Саясат Нұрбектен оқиға жайлы егжей-тегжей сұрады.
Министрдің айтуынша, қазақстандық студенттер бұл төбелеске қатыспаған.
- Алты адам – Үндістаннан келген студенттер, бұл олардың ішкі мәселесі. Қазір Алматы қалалық полиция департаменті тергеу жүргізіп жатыр, нәтижесін күтейік. Мен елшілікпен тікелей байланыстамын, біз сөйлесіп, бұл студенттерді депортациялау туралы бірлескен шешім қабылдадық. Бұл – біздің ұстанымымыз. Президент жақында берген сұхбатында әрбір шетел азаматы өз елінің заңдарын қалай сақтаса, Қазақстанда да солай орындауға міндетті екенін айтты. Елшілікпен депортациялау мәселесі шешілген, – деді министр.
