|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Атырауда 6 айлық сәби ұялы телефонның SIM-картасын жұтып қойған, деп хабарлайды Dauletten.kz, AtyrauPress сілтеме жасап.
Атырау облыстық жедел медициналық жәрдем станциясы дәрігерлерінің шапшаңдығының арқасында сәби тірі қалды.
Анасының айтуынша, қасында отырған баласы жөтеле бастаған. Мұны көре сала ол жедел жәрдем станциясына хабарласып, мән-жайды түсіндірген. Диспетчер тез арада телефон байланысын дәрігер-кеңесшінің пультіне ауыстырған.
«Дәрігер-кеңесші Гүлнәз Қырықбаева баланың туыстарына алгоритм бойынша «қоңырауды ұстап тұру» әдісімен қадамдық іс-қимыл жасау жөнінде кеңес берді. Телефон арқылы алғашқы медициналық көмек көрсетуді айтып отырған кеңесші-дәрігердің арқасында баланың өміріне қауіп төнбеді. Дәрігердің нақты нұсқауы бойынша туыстары телефон арқылы бөгде затты өздері шығарып алды», - деді облыстық Жедел жәрдем станциясы директорының орынбасары Наргиз Баймолдаева.
Кейін «103» бригадасы келіп, балаға медициналық көмек көрсеткен.
