|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Атыраулық фельдшерлер жүкті әйелді үйінде босандырып, егіздерді аман алып қалды, - деп хабарлайды Dauletten.kz.
Атырау облыстық жедел жәрдем стансасы директорының орынбасары Наргиз Абдрахманованың айтуынша, биылғы жылдың басынан бері фельдшерлер 49 әйелді үйінде босандырып алған. Соның бірі 29 желтоқсан күні тіркелді.
– Диспетчерлік пультке жүкті әйелден жедел қоңырау түсті. №9 бригаданың фельдшерлері Эльвира Кәримова мен Қанат Жексенбаев көрсетілген мекенжайға жедел жетті. Толғақ басталып кеткендіктен, фельдшерлер әйелді сол жерде босандырып, егіздердің кіндігін кесті. Кейін ананы және нәрестелерді облыстық перинаталдық орталыққа жеткізді, – деп баяндады Наргиз Абдрахманова.
Фельдшер Эльвира Кәримова жедел жәрдемде 11 жылдан бері қызмет етіп келеді. Ал жас маман Қанат Жексенбаев бұл салада жұмысын бір жыл бұрын бастаған.
– Науқастарға жедел көмек көрсетуге жиі барамыз. Бірнеше рет жүкті әйелдерді үйінде босандырдық. Бірақ егіздердің дүниеге келуі біз үшін алғаш рет. Мұндай сәттерде қобалжу болады, әрине. Соған қарамастан, анасы екі қызды аман-есен босанды. Бірінші нәрестенің кіндігін кескенде, екіншісі де жарық дүние есігін ашты. Бұл оқиға биылғы жылдың ең ерекше сәті ретінде есте қалады, – дейді Эльвира Кәримова.
