Жаңалықтар

Азық-түлік бағасы тағы қымбаттады

02.10.2020

1 мин

4

2649

Ағымдағы жылдың тамыз-қыргүйек айларында азық-түлік өнімдері бағасының өсуі байқалады. Сатистика комитетінің мәліметіне сүйенсек, елде 9 айда азық-түлік 7,4%, азық-түлік емес тауарлары 3,9%-ке қымбаттаған.

Елде бағаның қымбаттауы жұмыртқаға – 4,4%, қантқа – 1,5%, макарон өнімдеріне – 1%, ұнға, сиыр етіне, шайға, мұздатылған балыққа – 0,9%, жылқы етіне – 0,8%, шұжық өнімдеріне – 0,7%, қой етіне, сары майға, ірімшікке – 0,6%, нанға, күрішке 0,4% өскен.

Темекі өнімдері – 0,5%, алкогольді сусындар 0,4%-ке қымбаттады. Бағаның төмендеуі жеміс-жидектер мен көкөністерде байқалады.

Сонымен қатар, Қазақстанда ұялы телефон, планшет, ноутбуктерге сұраныс артып, баға 0,8%-ке қымбаттаған.

Тұрғын үй-коммуналдық қызметтер саласында тарифтер электр энергиясына – 1,7%, ыстық суға 0,3%-ке  өсті, ал кәрізге – 0,5%, суық суға 0,2% төмендеді.