Мәскеу соты «Крокус Сити холл» концерт залында теракт жасады деген күдікпен төрт адамды тұтқындады
25.03.2024
1 мин
1
865
Фото: Artyom Geodakyan (TASS)
Мәскеудің Басманный аудандық соты «Крокус Сити холл» концерт залында 22 наурызда теракт жасады деген күдікпен Далерджон Мирзоев, Саидакрам Рачабализода, Шамсидин Фаридуни и Мухаммадсобир Файзов есімді төрт адамды тұтқындау туралы шешім шығарды. Бұл туралы Мәскеу соттарының баспасөз қызметі хабарлады. Sota-ның мәліметі бойынша, тұтқындалғандардың бәрі Тәжікстан азаматы.
Оларға топ болып террорлық акт жасады деген айып тағылды (Ресей Қылмыстық кодексінің 205-бабы, 3-тармағы, «б» пункті). Бұл бап бойынша 15 жылдан өмір бойына дейін бас бостандығынан айыру жазасы көзделген.
Журналистердің күдіктілерге сұрақ қоюына мүмкіндік берілген жоқ, барлық отырыстар жабық өтті. Тергеуші ашық отырыс «тергеу құпиясын жариялауға алып келуі мүмкін» және «процесс қатысушылары мен олардың туыстарына қауіп төндіруі мүмкін» деді.
