|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Оңтүстік Кореяда өткен президент сайлауында Демократиялық партия атынан кандидат ретінде қатысқан Ли Чжэ Мён жеңіске жетті, - деп хабарлайды Dauletten.kz.
Ол 49,42% дауыс жинап, басты қарсыласы – билеуші партия өкілі Ким Мун Суды артта қалдырды. Ким Мун Су 41% дауысқа ие болып, жеңілгенін мойындап, Ли Чжэ Мёнді құттықтады.
61 жастағы Ли Чжэ Мён ел тізгінін алдағы бес жыл бойы ұстайтын болады. Ол 2022 жылғы сайлауда да президенттікке үміткер болған. Жаңа президенттің негізгі басымдықтарының бірі – АҚШ және Жапониямен стратегиялық әріптестікті жалғастыру. Сонымен қатар, Солтүстік Кореямен байланыс арналарын қайта ашу жоспары бар.
Дегенмен, шетелдік бұқаралық ақпарат құралдарының хабарлауынша, Ли Чжэ Мён бірқатар қылмыстық істер бойынша айыпталуда. Оның ішінде сайлау заңнамасын бұзу фактілері де қаралуда.
Жаңа басшының билікке келуімен Корея Республикасында саяси бағыттарда елеулі өзгерістер орын алуы мүмкін деп болжануда.
