|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
ҚР ИИДМ Азаматтық авиация комитеті қазақстандық әуе компаниялармен бірлесіп, ұшақ санын ұлғайту бойынша жұмысты жалғастырып келеді, деп хабарлайды Dauletten.kz.
Ведомстваның айтуынша, SCAT компаниясы 189 орынға шақталған B737-800 үлгісіндегі «Боинг» ұшағын сатып алды. Бұл арқылы компанияның флоты 36 ұшаққа, оның ішінде «Боинг» маркілі әуе кемесі 29-ға дейін артты.
Жаңа ұшақ тасымал сыйымдылығын арттырып, рейстердің уақтылы орындалуына оң әсер етпек.
Сонымен қатар, Fly Arystan компаниясы да 188 адамды тасуға мүмкіндік беретін А320 neo ұшағына ие болды. Бұл компанияның қарамағындағы 15-ші әуе кемесі. Жыл аяғына дейін Fly Arystan тағы 3 ұшақты алуды жоспарлауда. Осылайша, отандық лоукостердің флоты 18 әуе көлігіне дейін ұлғаяды.
Бұл орайда отандық авиакомпаниялардың техникалық паркін кеңейту жөніндегі жұмыстар ведомствоның ұдайы бақылауында болып, осы бағыттағы шаралар жалғасын таппақ.
