|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан президенті Қасым-Жомарт Тоқаев АҚШ президенті болып қайта сайланған Дональд Трамппен телефон арқылы сөйлесті, - деп хабарлайды Dauletten.kz.
Ресми мәліметке сәйкес, Тоқаев Трампты президенттік сайлаудағы жеңісімен құттықтаған.
- Екі ел басшылары сауда, инвестиция және ядролық қаруды таратпау мәселелерінде стратегиялық серіктестікті дамытуға дайын екендерін растады. Мемлекет басшысы Қазақстанның халықаралық күн тәртібіндегі маңызды мәселелерге қатысты ұстанымын білдірді, – делінген хабарламада.
Сондай-ақ, қос мемлекет басшылары екіжақты ынтымақтастықтың қарқынын сақтау үшін тұрақты байланыста болуға келіскен.
“Украинадағы соғысты 24 сағат ішінде аяқтаймын” деп мәлімдеген Трамптың Тоқаевпен Украинадағы жағдайды талқылаған-талқыламағаны белгісіз. Халықаралық қауымдастық оның болашақ әкімшілігінен бейбітшілік жоспарын күтіп отыр.
Сарапшылардың пікірінше, Трамп Ақ үйге қайта оралған жағдайда да АҚШ-тың Қазақстан мен Орталық Азияға қатысты саясаты айтарлықтай өзгермейді. Бұрынғы екіжақты қарым-қатынас жалғасып, С5+1 форматы сақталады. Экономикалық санкциялар аймақтағы үкіметтер мен саясаткерлерге қолданылмайды. Орталық Азия, соның ішінде Қазақстан, Вашингтонның сыртқы саясатында екінші деңгейдегі бағыттардың бірі болып қала береді.
