|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Ғани Қайназаров Qazaqstan Football League президенті қызметінен кетті, - деп хабарлайды Dauletten.kz.
Ғани Қайназаров биыл 17 мамырда футбол ұйымының басшылығына сайланған еді. Оның қызметтен кетуіне өзге жұмысқа ауысуы әсер етті.
- Биыл QFL-де отандық футболды дамытуға бағытталған біршама реформа жүзеге асты. Мен үшін QFL-ді басқару үлкен құрмет әрі жауапкершілік және көптеген жобаның іске асуына үлес қосқаныма қуаныштымын. Лиганың командасы, футбол клубтары, біздің серіктестер, БАҚ өкілдері және құрметті жанкүйерлерге қолдау танытып, бірге жемісті қызмет атқарғаны үшін рақметімді айтамын, - деді Ғани Қайназаров.
Ғани Әділханұлы бұл қызметін 2016-2017 және 2022-2024 жылдары атқарған болатын. Оның басшылығы кезінде Қазақстан құрамасы үлкен жетістіктерге қол жеткізді: 2016 жылы команда ФИФА рейтингінде рекордтық 83-орынға көтеріліп, ұлттық құраманың тарихындағы ең жоғары көрсеткішке жетті. Ал 2023 жылы Еуро-2024 іріктеу кезеңінде 18 ұпай жинап, жаңа рекорд орнатты.
Айта кетейік, жаңа басшыны сайлау мәселесі Лига мүшелерінің кезектен тыс отырысында талқыланады.
Бұдан бұрын Қазақстан футбол федерациясының жаңа президенті қызметіне Марат Омаров келді.
