Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Сенатор Андрей Лукиннің айтуынша, жаңа жылға дейін тағы 18,5 мың жұмысшы жұмысынан айрылады. Бірақ бүгінгі жағдайды есепке алсақ, жұмысынан босатылатын адамдар саны әлі де көбеюі мүмкін.
Ресми дерекке сүйенсек, Қазақстанда жалақы қарызының көлемі 1 миллиардты құрады. Ол – саны 3,4 мыңға жететін жұмысшылардың жалақылары.
Қарыз көлемі ең көп қала Алматы болып белгіленді. Қаланың жалпы қарыз көлемі 125,8 миллион теңгеге жетті. Ал кейінгі орындарды қарыз көлемі 118,6 миллион теңгені құраған Алматы облысы, қарызы 109,3 миллион теңгеге жеткен Батыс Қазақстан облысы және 105,9 миллион теңге қарызы бар Шығыс Қазақстан облысы алып отыр.
Осы мәселеге талдау жүргізу барысында 50 кәсіпорын жұмысын тоқтатқаны анықталды. Олардың қарызы – 536,3 миллион теңге. 50 кәсіпорынның 42-сі банкрот болған. Ал 16 кәсіпорынның жұмысшылар алдында 115,4 миллион теңге қарызы болса да, қарыздан құтылуға мүлкі жоқ. Бұдан бөлек, 34 кәсіпорынның істері сотта қаралып жатыр, жұмысшыларына 455,62 миллион теңге қарыз.
Андрей Лукин бұл істе ондай кәсіпорындарды алдын ала анықтап, жұмыс орындарын сақтауға арналған жаңа меморандум қажет екенін және жұмыссыз қалғандарға «2020-2021 жылдарға арналған жұмыспен қамтудың жол картасы» бағдарламасы арқылы жылдам жұмыс табуына жағдай жасалу керегін айтты. Сондай-ақ премьер-министрдің атына аталған мәселеге қатысты депутаттық сауал жолдады.