Жаңалықтар

Ресей Тоқаевтың Каспийді бейбіт аймақ ету идеясын қолдады

30.04.2026

мин

0

179

Сурет: primeminister.kz

Ресей Қазақстан Президенті Қасым-Жомарт Тоқаевтың Каспий теңізін бейбітшілік аймағы ретінде сақтау бастамасын қолдайтынын мәлімдеді, — деп хабарлайды Dauletten.kz.

Бұл туралы Ресейдің сыртқы істер министрі Сергей Лавров Қазақстанның сыртқы істер министрі Ермек Көшербаевмен өткен кездесу барысында айтты.

Лавровтың сөзінше, Каспий өңіріндегі тұрақтылықты сақтау – екі ел арасындағы маңызды бағыттардың бірі. Ол аймақтағы геосаяси жағдайға да тоқталып, сыртқы факторлардың Каспий маңы елдеріне ықпалы болуы мүмкін екенін атап өтті.

- Каспий бейбітшілік пен ынтымақтастық аймағы болып қалуы тиіс, – деді министр

Сондай-ақ Ресей тарапы Қазақстанның Таяу Шығыстағы ахуалға қатысты ұстанымын жоғары бағалады. Лавров Астананың өңірлік қақтығыстарға қатысты салмақты және байыпты көзқарасына алғыс білдірді.

Кездесу барысында тараптар Таяу Шығыс пен Парсы шығанағындағы жағдайды саяси-дипломатиялық жолмен реттеу қажеттігін де атап өтті.