|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстандық Шавкат Рахмонов Лас-Вегаста (АҚШ, Невада штаты) UFC 310 турнирінде ирландиялық файтер Иэн Гэрримен жекпе-жекке шығып, төрешілердің бірауыздан шешімімен қарсыласынан басым түсті, - деп хабарлайды Dauletten.kz.
Ирландиялық файтер бұл күнге дейін жеңіліс дегенді білмеген еді. Ол өткізген 15 жекпе-жектің барлығында қарсыластарын айқын басымдықпен жеңіп шыққан.
Бүгінгі бес раундқа жоспарланған жекпе-жек төрешілердің бірауызды шешімімен аяқталып, жеңіс Шавкат Рахмоновтың еншісіне бұйырды.
Осылайша қазақстандық спортшы кәсіби мансабындағы он тоғызыншы жеңісіне қол жеткізді. Ал Иэн Гэрри алғаш рет жеңілістің ащы дәмін татты. Айта кету керек, бұл Шавкаттың төрешілер шешімімен жеңіске жеткен алғашқы кездесуі.
Бұған дейінгі жекпе-жектерінде ол жеңістерін мерзімінен бұрын аяқтап келген.
Ендігі кезекте Шавкат Рахмоновтың орта салмақтағы UFC чемпионы Белал Мухаммадпен (24-3) жекпе-жек өткізуі мүмкін. Алғашында бұл кездесу бүгінгі турнирге жоспарланған еді, алайда америкалықтың денсаулығына байланысты жекпе-жек кейінге шегерілді.
