|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Dauletten.kz сайты спорт жанкүйерлеріне 11-17 қараша аралығында өтетін спорттық іс-шаралар кестесін ұсынады.
9-12 қараша аралығында Анкара қаласында асық атудан ересектер арасындағы командалық әлем кубогі өтеді. Жарысқа Қазақстан құрамасының 40 спортшысы қатысады.
9-13 қарашада Өскеменде допты хоккейден ересектер арасындағы ҚР кубогі өтеді. Турнирде еліміздің 15 өңірінен 115 спортшысы бақ сынайды.
9-16 қараша аралығында Түркияның Анкара қаласында тоғызқұмалақтан әлем чемпионаты болады. Жаһандық жарысқа әлемнің әр түкпірінен 100 спортшы қатысады.
10-16 қарашада Алматыда пара пауэрлифтингтен ҚР чемпионаты өтеді. Ел біріншілігінде 17 өңірден 100 спортшы өнер көрсетеді.
10-17 қараша аралығында барлық жас санаты бойынша белбеу күресінен әлем чемпионаты өтеді. Татарстанның Қазан қаласындағы әлем біріншілігінде 30 елдің 700 спортшысы белдеседі. Қазақстан құрамасы сапынан 100 палуан қатысады. Өтетін орны: Ресей, Қазан қаласы.
13-17 қараша аралығында БАӘ, Абу-Даби қаласында джиу-джитсудан халықаралық Abu Dhabi World Professional Jiu-Jitsu Championship турнирі өтеді. Халықаралық жарысқа әлемнің 10 елінен 500 спортшы қатысады. Ел намысын 28 спортшы қорғайды.
Барлық спортшыға сәттілік тілейміз! Көк туымыз көкте желбірей берсін!
