Жаңалықтар

Тоқаев мәслихаттардың өкілеттігін тоқтатты: енді сайлау өтеді

12.10.2026

мин

0

108

Сурет: Gov.kz

Қазақстанда барлық деңгейдегі мәслихаттардың өкілеттігі мерзімінен бұрын тоқтатылды. Президент Қасым-Жомарт Тоқаев тиісті Жарлыққа қол қойып, Орталық сайлау комиссиясына кезектен тыс сайлауды ұйымдастыруды тапсырды, — деп хабарлайды Dauletten.kz.

Қазақстанда барлық деңгейдегі мәслихат депутаттарының өкілеттігі мерзімінен бұрын тоқтатылды. Мемлекет басшысы Қасым-Жомарт Тоқаев тиісті Жарлыққа қол қойды. Құжат Ақорданың ресми хабарламасында жарияланды.

Президент бұл шешімді Конституцияның 88-бабының 5-тармағына сәйкес қабылдаған. Жарлыққа қол қою алдында ол Премьер-министр Олжас Бектеновпен және Құрылтай төрағасы Айбек Дәдебаймен консультация өткізген.

Енді кезектен тыс сайлау өткізіледі

Жарлыққа сәйкес, Орталық сайлау комиссиясы барлық деңгейдегі мәслихат депутаттарының кезектен тыс сайлауын тағайындауы керек. Комиссияға сайлау науқанына дайындық жүргізу және дауыс беру процесін ұйымдастыру міндеті жүктелді.

Құжат жарияланған күннен бастап күшіне енеді.

Айта кетейік, бұған дейін Тоқаев мәслихат сайлауына қатысты Премьер-министр Олжас Бектеновпен және Құрылтай төрағасы Айбек Дәдебаймен консультация өткізген болатын.