|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қазақстан Республикасының Бас прокуратурасы банк қызметкерлері мен Beeline және Tele2 ұялы байланыс операторларының бірнеше қызметкері алаяқтарға қазақстандықтарды алдау үшін көмек көрсеткенін мәлімдеді, - деп хабарлайды Dauletten.kz.
2023 жылдың желтоқсан айынан бері қаржы ұйымдары мен байланыс операторларының өз міндеттерін тиісінше орындамауына және қызметтік өкілеттіктерін теріс пайдалануына байланысты 71 қылмыстық іс қозғалған.
Батыс Қазақстан облысында екінші деңгейлі банк қызметкерлері Қазақстанға ешқашан келмеген Украина азаматының атына шот ашқан. Осы шотқа алаяқтардың құрбандары өз қаражаттарын аударған. Жалпы шығын сомасы – 1 миллион теңге.
Банк қызметкерлеріне қызмет бабын теріс пайдаланды деген айып тағылып, Қылмыстық кодекстің 250-бабы бойынша қылмыстық іс қозғалды.
Beeline және Tele2 операторларының қызметкерлері мен олардың дистрибьюторларына қатысты төрт қылмыстық іс тергелуде:
• Екеуі Батыс Қазақстан облысында,
• Біреуі Қарағандыда,
• Біреуі Алматыда.
Күдіктілер алаяқтарға азаматтарды алдау үшін мыңдаған SIM-картаны заңсыз тіркеуге жәрдемдескен.
