|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Қостанай облысында мемлекет тарапынан бөлінген қаражатты жымқырған азаматтар ұсталды. Бұл туралы Қаржылық мониторинг агенттігі хабарлады.
Ресми ақпаратқа сүйенсек, Қылмыстық кодекстің 190-бабы, 4-бөлігінің 2-тармағы ("Алаяқтық, аса ірі мөлшерде") бойынша тергеу шаралары басталды.
"Қылмыстық топ мемлекеттік инвестициялық бағдарлама аясында 484 млн теңгені жымқырған. Қаражат облыстың шаруашылық қожалығына күн энергиясын пайдалана отырып, ұңғымалардан суды көтеруге арналған жабдық сатып алуға субсидия ретінде бөлінген болатын", - дейді агенттік мамандары.
Айта кетейік, аса ірі көлемде алаяқтық жасағаны үшін мүлкi тәркiленiп, белгілі бір лауазымдарды атқару немесе белгілі бір қызметпен айналысу құқығынан өмір бойына айыра отырып немесе бес жылдан он жылға дейiнгi мерзiмге бас бостандығынан айыру жазасы қарастырылған.
