Товарные рынки | ||
BID | ASK | |
Brent | 0.00 | 0.00 |
Лайт | 0.00 | 0.00 |
Туризм және спорт министрі Ербол Мырзабосынов "Уәде" бағдарламасына берген сұқбатында олимпиадаларда жасалатын қателіктерді атап өтті, - деп хабарлайды Dauletten.kz.
Ербол Мырзабосынов сұқбат барысында жаттықтырушылардың не себепті олимпиадалық емес спорт түрлерін таңдайтынын да түсіндірді.
- Жергілікті менеджерлер басым спорт түрлерінде дұрыс индикатор қоймаған. Олимпиада ма, Азия ойындары ма, олимпиадалық емес спорт түрлері ме, ұлттық спорт түрлері ме деген форматты назарға алмаған. Мысалы, олимпиадалық емес спорт түрлері жаттықтырушыларының жалақысы олимпиадалық спорт түрлерінің жаттықтырушыларының жалақысымен бірдей болып кеткен, - деді министр.
Сол себепті бүгін олимпиадалық спорт түрінен жаттықтырушылар арасында бәсекелестік төмен екенін атап өтті.
- Мысалы олимпиадалық спорт түрінде 200-ге жуық мемлекетпен таласасыз, ал олимпиадалық емес спорт түрінде 10-15 мемлекетпен таласасыз. Қай жерде нәтиже көрсету оңай? Сонымен қатар олимпиадалық емес спорт түрінен жылына екі рет әлем чемпионаты өтуі мүмкін. Сәйкесінше, жақсы көрсеткіш көрсетеді. Нәтижесінде олимпиадалық емес спорт түрінің жаттықтырушысы 10 есе немесе 15 есе артық жалақы алады. Сондықтан көп жаттықтырушылар олимпиадалық емес спорт түрлеріне акцент қойған. Бұл жағдай жылдар өте көбейе берген, - деді Ербол Мырзабосынов.