|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
ІІМ жүргізген кең ауқымды “STOP-трафик” операциясы барысында еліміздің әр өңірінде адам саудасы, жезөкшелікке тарту, притон ұйымдастыру және жеңгетайлыққа байланысты 40 қылмыс анықталды, - деп хабарлайды Dauletten.kz Polisia.kz-ке сілтеме жасап.
Қарағанды облысында өз қыздарын азғындық әрекеттерге итермелеген аналар қамауға алынды. Тергеу барысында 60 жастағы ер адамның ақшалай сыйақы үшін аналармен келісім жасап, балаларға қатысты жыныстық сипаттағы әрекеттер жасау және порнографиялық материалдар түсіру мақсатында қылмыстық іс-әрекетке барғаны анықталды. Барлық күдіктілер уақытша ұстау изоляторына қамалды. Аталған дерек бойынша ҚК-нің 121-бабы 4-бөлігі (кәмелетке толмағандарға қатысты сексуалдық сипаттағы зорлық-зомбылық әрекеттері) және ҚК-нің 135-бабы (кәмелетке толмағандар саудасы) бойынша тергеу жүргізілуде.
Шымкентте ұйымдасқан қылмысқа қарсы күрес басқармасы 18-23 жас аралығындағы қыздарды жезөкшелікке тартумен айналысқан төрт адамнан тұратын топты ұстады. Олар жәбірленушілерді интимдік фотосуреттермен бопсалаған. Күдіктілерге қатысты ҚК-нің 308-бабы 2-бөлігі (жезөкшелікке тарту) және 309-бабы 2-бөлігі (жеңгетайлық) бойынша екі қылмыстық іс қозғалды.
Алматыда “боди-массаж” салондарын ұйымдастырған жеті азаматша ұсталып, уақытша ұстау изоляторына қамалды. Қазір олардың әрекеттері жеңгетайлық фактісі бойынша тергеліп жатыр.
Түркістан облысында облыс прокуратурасының үйлестіруімен Қызылорда облысының 2006 және 2007 жылдары туған екі тұрғыны қолға түсті. Олар Telegram-дағы жабық топтар арқылы кәмелетке толмағандардың қатысуымен порнографиялық бейнематериалдар сатумен айналысқан. Бұл дерек бойынша ҚК-нің 312-бабы 1-бөлігіне (кәмелетке толмағандардың порнографиялық материалдарын дайындау және тарату) сәйкес қылмыстық іс қозғалды.
Абай облысында полиция Аягөз ауданының тұрғыны екі адамды шаруа қожалықтарына сатқанын анықтады. Аталған факт бойынша ҚК-нің 128-бабы 1-бөлігі (адам саудасы) бойынша тергеу басталды.
Операция нәтижесінде жезөкшелікке арналған үй-жайларды ұсыну бойынша 156 әкімшілік құқық бұзушылық пен қоғамдық орындарда адамдарды мазалау фактілері бойынша 640 әкімшілік хаттама толтырылды. Қазіргі уақытта барлық күдіктілер қамауда, тергеу амалдары жалғасуда.
