Жаңалықтар

Құрылтай сайлауы: шетелдегі қазақстандықтар дауыс беріп жатыр

23.08.2026

мин

0

86

Қазақстанның шетелдегі дипломатиялық өкілдіктері жанында орналасқан сайлау учаскелерінде Құрылтай депутаттарын сайлау бойынша дауыс беру өтіп жатыр, — деп хабарлайды Dauletten.kz.

Астана уақытымен сағат 03:00-де Сеулдегі №422 және Токиодағы №425 сайлау учаскелері жұмысын бастады. Дауыс беру жергілікті уақыт бойынша сағат 07:00-де басталды.

Сеулдегі сайлау учаскесінде дауыс беруге шамамен 300 қазақстандық тіркелген. Корея мен Жапониядағы учаскелер Астана уақытымен сағат 16:00-ге дейін жұмыс істейді.

Одан кейін Малайзиядағы №423 сайлау учаскесі ашылды.

Сонымен қатар Сингапурдағы №449, Индонезиядағы №464 және Вьетнамдағы №476 сайлау учаскелерінде де қазақстандықтар дауыс беріп жатыр.

Осылайша шетелде жүрген отандастарымыз да Құрылтай депутаттарын сайлауға қатысып, өз таңдауын жасауда.