|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Үкімет қаулысымен Рамиль Камалов төтенше жағдайлар вице-министрі болып ресми түрде тағайындалды, - деп хабарлайды Dauletten.kz.
Үкіметтің ресми сайтының мәліметінше, Рамиль Камалов 1976 жылы Торғай облысында туған. Ол Ішкі істер министрлігінің Павлодар техникалық колледжін және Қарағанды мемлекеттік техникалық университетін тәмамдаған.
Еңбек жолын Ақмола облысы Ішкі істер басқармасының Мемлекеттік өртке қарсы қызметінде №84 дербес әскерилендірілген өрт сөндіру бөлімінің мемлекеттік өрт бақылау инспекторы болып бастады. 1998 жылы Ақмола облысының Мемлекеттік өртке қарсы қызметінде №19 өрт сөндіру бөлімінің инспекторы, аға инженері қызметтерін атқарды.
1998–1999 жылдары Астана қаласының Мемлекеттік өртке қарсы қызметінде №7 өрт сөндіру бөлімінің инспекторы, 1999–2005 жылдары “Өрт сөндіруші” РМК филиалында аға инженер, бөлім бастығының орынбасары, бастығы және өрт сөндіру тобының бас маманы болды.
2005–2006 жылдары Төтенше жағдайлар министрлігінің Мемлекеттік бақылау және қадағалау комитетінде өрт сөндіру және авариялық-құтқару жұмыстары қызметі бөлімінің бас маманы қызметін атқарды. 2006–2014 жылдары ТЖМ Өртке қарсы қызмет комитетінде бас маман және басқарма бастығы болды.
2014–2016 жылдары ІІМ ТЖК Өрт сөндіру қызметін ұйымдастыру басқармасын басқарды. 2016–2017 жылдары Маңғыстау облысы Төтенше жағдайлар департаменті бастығының орынбасары, 2017–2023 жылдары Солтүстік Қазақстан облысы Төтенше жағдайлар департаментінің бастығы қызметтерін атқарды.
2023 жылдан бастап қазіргі уақытқа дейін ТЖМ Өртке қарсы қызмет комитетінің төрағасы болды.
