|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Келес ауданындағы Әлия Молдағұлова атындағы №3 жалпы білім беретін мектептің 6-сынып оқушысы Әділбек Думан “Smart сарқырама” моделін жасап шығарды. Жас өнертапқыш өз туындысы болашақта ақылды үйлердің бір бөлігіне айналады деп үміттенеді, - деп хабарлайды Dauletten.kz.
Әділбектің ғылыми жетекшісі Шамсияат Алтаеваның айтуынша, бұл сарқырама адамдарға бос уақытында судың дыбысы мен табиғаттың көрінісін тамашалап, салқын ауада психологиялық тұрғыда демалуға мүмкіндік береді. Үй жағдайында мұндай құрылғы миға тыныштық сыйлап, денсаулыққа оң әсерін тигізеді.
- Табиғат ғылымдарын терең түсінген кезде ғана айналамызды толық зерттей аламыз. Ғылымда “дыбыс толқындары” ұғымы бар, және медициналық зерттеулер судың дыбысы белгілі бір деңгейде адам денсаулығына пайдалы екенін дәлелдеген. Сондықтан Думанның үйлерге сарқырама орнату идеясы өте тиімді әрі пайдалы, – дейді Шамсияат Алтаева.
Әділбек Думан бала кезінен ізденімпаз әрі талапшыл оқушы ретінде танылған. Жақында ғана ол “Зерде” оқушылардың ғылыми жобалар байқауының аудандық кезеңіне қатысып, өз білімінің арқасында жеңімпаз атанды.
