|
|
|
| Товарные рынки | ||
| BID | ASK | |
| Brent | 0.00 | 0.00 |
| Лайт | 0.00 | 0.00 |
Түркістан облысындағы жантүршігерлік жол апатынан қаза тапқандардың саны онға жетті.
17 шілдеде сағат 09:00 шамасында Бәйдібек ауданында үш көлік жоғары жылдамдықпен соқтығысып, өртеніп кетті. Сол жерде тоғыз адам мерт болып, біреуі ота кезінде қаза тапты. 14 адам ауруханада, олардың арасында қазір реанимациядағы балалар бар.
Құтқарушылар келгенге дейін үш көлік толығымен өртеніп кеткен. Көліктердің салондары адамдарға толы болған. Тоғыз адамды құтқару мүмкін болмады. Тірі қалған 15 жолаушыны шұғыл түрде Шаян ауылының орталық ауруханасына жеткізді.
Жолаушылардың көпшілігі – Созақ ауданының тұрғындары. Зардап шеккендер жеткізілген ауруханаға санавиация облыстық мекемелерден 11 хирург келді. Ота кезінде көп қан жоғалтқан 49 жастағы ер адам қайтыс болды. Қазір бір кәмелетке толмаған науқастың өмірі үшін күресіп жатыр. Оның жағдайы өте ауыр. Реанимацияда алты жастан 11 жасқа дейін тағы төрт бала бар .
“Келіп түскен пациенттердің барлығының миы жарақаттанып, сондай-ақ сүйегі сынған. Кеуде және іш қуыстары жарақаттанған”, – деді Бәйдібек ауданының орталық ауруханасы бас дәрігерінің орынбасары Бексұлтан Рысбеков.
Жол апаты таңғы сағат 9-да болды. Апат болған жерді жабуға тура келді. Екпенді және Шаян ауылдары арасындағы облыстық трассаның жеті шақырымы жабылды. Оқиға орнында тергеушілер жұмыс істеп жатыр. Кінәлі де қаза тапқан.
“Nissan X-Trail автокөлігі қарсы жолаққа шығып, Volkswagen автокөлігімен соқтығысқаны анықталды. Үшінші көлік Toyota артта жүріп келе жатқан болуы мүмкін. Ол да соқтығысты. Қажетті сараптамалар тағайындалды, сол жерде тергеу жүргізіліп жатыр”, – деп мәлімдеді Түркістан облыстық ПД бастығының орынбасары Бағланбек Айтпаев.
Өлгендердің денелері жақын адамдарына әзір берілмейді. Өрт болғандықтан, олардың жеке басын анықтау үшін біраз уақыт қажет.
